Општина Штип го објави меѓународниот тендер за јавно-приватно партнерство за градската бања "Кежовица". Tендерот ќе биде отворен до 28 август. Општина Штип и ЈП "Исар" ќе го склучат договорот со инвеститорот во градската бања "Кежовица" за период од 30 години. Со реализација на проектот треба да се обезбеди унапредување на туристичката инфраструктура, потоа ослободување на "Исар" од несуштинските дејности, анимација на бањскиот туризам и воведување на нови сместувачки, терапевтски и спа-комлекси. Во договорот за јавно-приватно партнерство е наведено дека приватниот партнер е должен во рок од една година да изврши реконструкција на градската бања и има можност за доградба на постоечкиот сместувачки капацитет.
Општина Штип го објави меѓународниот тендер за јавно-приватно партнерство за градската бања "Кежовица".
Портпаролот на општината, Милена Ристова-Михајловска, вели дека тендерот ќе биде отворен до 28 август.
- Општина Штип и ЈП "Исар" ќе го склучат договорот со инвеститорот во градската бања "Кежовица" за период од 30 години. Со реализација на проектот треба да се обезбеди унапредување на туристичката инфраструктура, потоа ослободување на "Исар" од несуштинските дејности, анимација на бањскиот туризам и воведување на нови сместувачки, терапевтски и спа-комлекси - информира Ристова-Михајлова.
Во договорот за јавно-приватно партнерство е наведено дека приватниот партнер е должен во рок од една година да изврши реконструкција на градската бања и има можност за доградба на постоечкиот сместувачки капацитет.
- Приватниот партнер на "Исар" треба секоја година да му го исплаќа понудениот процент од нето-добивката, а по реконструкцијата и модернизацијата на постоечките објекти цената на досегашните бањски услуги може да се зголеми најмногу за 40 отсто - рече Ристова-Михајловска.